पिरंगुट हे मुळशी तालुक्यातील एक ऐतिहासिक, औद्योगिक व सांस्कृतिक दृष्ट्या प्रगत गाव आहे. पुणे शहरापासून केवळ १२ किमी अंतरावर वसलेले हे गाव सन १९५६ साली अधिकृतरित्या ग्रामपंचायतीच्या स्वरूपात स्थापन झाले. मुकाईवाडी हे पिरंगुटचे महसुली गाव असून विविध जाती-धर्माचे लोक एकत्र राहतात. २०११ च्या जनगणनेनुसार गावाची लोकसंख्या १५,१६३ होती, तर २०२२ पर्यंत ती वाढून सुमारे ३०,५०० झाली आहे. औद्योगिक क्षेत्र आणि बाजारपेठेमुळे येथील तरंगती लोकसंख्या सुमारे ७०,००० पेक्षा जास्त आहे.