ग्रामपंचायत पिरंगुट येथे मुख्य समिती व सर्व विषय समित्यांची संयुक्त बैठक उत्साहात पार पडली. या बैठकीदरम्यान मा. आमदार श्री. शंकरभाऊ मांडेकर तसेच मा. सुधीर भगवत, गटविकास अधिकारी, मुळशी यांच्या प्रमुख उपस्थितीत तक्रार पेटीचे उद्घाटन करण्यात आले. याच प्रसंगी ग्रामपंचायतीच्या नव्या संकेतस्थळाचे (Website) लोकार्पण तसेच घरबसल्या मालमत्ता कर भरण्याची सुविधा उपलब्ध करून देणाऱ्या QR Code आधारित कर भरणा प्रणालीचा शुभारंभ करण्यात आला. या डिजिटल उपक्रमांमुळे ग्रामपंचायतीच्या सेवा अधिक सुलभ, पारदर्शक आणि नागरिकाभिमुख बनल्या आहेत.
बैठकीत मुख्यमंत्री समृद्ध पंचायत राज अभियानाच्या विविध घटकांवर सविस्तर चर्चा करण्यात आली. ग्रामसभेने पर्यावरण संवर्धनाच्या दृष्टीने प्लास्टिक बंदीचा महत्त्वपूर्ण निर्णय घेतला तसेच गावात स्वच्छता अभियान प्रभावीपणे राबविण्याचा संकल्प करण्यात आला. ग्रामविकास, स्वच्छता, पर्यावरण संरक्षण आणि डिजिटल प्रशासन या विषयांवर सखोल चर्चा करून आगामी काळातील विविध उपक्रमांसाठी कृती आराखडा निश्चित करण्यात आला. या बैठकीमुळे ग्रामपंचायत, प्रशासन आणि नागरिक यांच्यातील समन्वय अधिक दृढ होऊन सर्वांगीण विकासाला नवी दिशा मिळाली.
